काठमाडौँ । प्रतिनिधिसभा, महाअभियोग सिफारिस समितिको बैठक बिहीबार अपराह्न ३ बजे बस्ने भएको छ । यसअघि बैठक १ बजे बस्ने तय भएको थियो ।
बिहीबार समितिले निलम्बित प्रधानन्यायाधीश चोलेन्द्रशम्शेर जबराले आरोप लगाएका न्यायाधीश र कानून व्यवसायीसँग छलफल गर्ने तयारी गरेको थियो ।
तर आरोप लागेका चार पूर्वप्रधानन्यायाधीशले समितिमा उपस्थित नहुने भन्दै पत्र लेखेपछि कानून व्यवसायीहरुसँग समितिले ३ बजेपछि छलफल गर्ने बताइएको छ ।
