काठमाडौँ । प्रधानमन्त्री शेरबहादुर देउवाले पूर्वाधारमा निजी क्षेत्र र वैदेशिक लगानी आवश्यक भएको बताउनुभएको छ ।
बुधबार लगानी बोर्डले आयोजना गरेको दिगो पूर्वाधार लगानी फोरममा सम्बोधन गर्दै बुधबार उहाँले पूर्वाधारको क्षेत्रमा लगानी गर्न निजी क्षेत्रलाई आग्रह गर्नुभयो ।
मुलुकमा पूर्वाधार विकास गर्न निजी क्षेत्रको लगानी महत्वपूर्ण रहन्छ भन्दै उहाँले ने वैदेशिक लगानी पनि आवश्यक भएकाले सबैलाई लगानी गर्न आग्रह गर्नुभयो । नेपालमा सार्वजनिक निजी साझेदारी मोडलमा ठूलो लगानी गर्ने सकिने उहाँको भनाइ थियो ।
दिगो विकासका लक्ष्य पूरा गर्न १९ अर्ब डलर आवश्यक पर्ने उहाँले बताउनुभयो । सो रकमका लागि निजी क्षेत्र तथा वैदेशिक लगानीकर्ताको सहयोग चाहिने उहाँले उल्लेख गर्नुभयो ।
प्रधानमन्त्री देउवाले सन् २०२६ सम्ममा मुलुकलाई विकासोन्मुख राष्ट्रमा स्तरोन्नति गर्न पूर्वाधार विकास र आर्थिक उन्नति गर्दै जाने बताउनुभयो ।
उहाँले सरकारले १५औँ पञ्चवर्षीय योजना अनुसार पूर्वाधार विकासलाई प्राथमिकता दिएर काम गरिरहेको जानकारी दिनुभयो । सन् २९४५ सम्ममा कार्बन उत्सर्जन शून्यमा झार्ने सरकारको नीति रहेको पनि उहाँले बताउनुभयो ।
