काठमाडौं । निलम्बित प्रधानन्यायाधीश चोलेन्द्र शम्शेर जबरा बिरुद्धको महाअभियोग सिफारिस समितिले राजनीतिक दलका नेताहरुलाई भने सोधपुछका लागि नबोलाउने भएको छ ।
आज बिहान बसेको समितिको बैठकले जबराले नाम लिएका पूर्वन्यायाधीश लगायतसँग पनि सोधपुछ गर्ने निर्णय गरेको छ ।
बैठकमा जबराले बयानको क्रममा नाम लिएका पूर्वन्यायाधीश, नेपाल बार, सर्वोच्च बार, वरिष्ठ अधिवक्ता र अधिवक्ताहरुलाई समितिमा बोलाउने निर्णय गरेको हो । उनीहरुलाई पत्राचार गरी सोधपुछका लागि बोलाउने निर्णय गरेको समितिले जानकारी दिएको छ ।
तर राजनीतिक दलका नेताहरुलाई भने सोधपुछका लागि नबोलाउने समितिका सदस्य एवम् नेपाली कांग्रेस नेता मिन विश्वकर्माले जानकारी दिएका छन् ।
महाअभियोग सिफारिस समितिको बैठक पुन: भोलि बस्ने भएको छ ।
