काठमाडौं । काठमाडौं महानगरपालिकाले नक्सा पास नगरी बनेका भवन तथा घरको नक्सा ९० दिनभित्र पास गर्न म्याद दिएको छ । महानगरले सार्वजनिक सूचना जारी गर्दै निर्माण भएका अनधिकृत संरचनाको नक्सा पास गर्न ९० दिनको समय सीमा दिएको हो ।
तोकिएको समयभित्र नक्सा पास नगरेमा सरकार सञ्चालन ऐन २०७४ र प्रचलित भवन निर्माण सम्बन्धी मापदण्ड, संहिता र कार्यविधि तथा कार्यालयको निर्णयअनुसार कारबाही प्रक्रिया अघि बढाउने सो सूचनामा उल्लेख गरेको छ ।
त्यस्तै महानगरपालिकाले अर्को सूचना जारी गर्दै नक्सा पास नगरिएका अनधिकृत कम्पाउन्डको पर्खाल ३५ दिन भित्र हटाउन आग्रह गरेको छ ।
मापदण्डविपरीतका सीमा पर्खाल महानगरले भत्काउने सूचनामा उल्लेख छ । यसरी हटाउँदा लागेको खर्च पनि घरधनीबाटै असुल्ने महानगरको चेतावनी छ ।
