बुटवल । आसन्न प्रतिनिधिसभा सदस्य निर्वाचनका लागि रुपन्देही २ बाट गृहमन्त्री बालकृष्ण खाण सिफारिस हुनुभएको छ ।
नेपाली कांग्रेस क्षेत्रीय समितिले प्रतिनिधिसभाको प्रत्यक्षतर्फको निर्वाचनका लागि गृहमन्त्री खाणको नाम सिफारिस गरेको हो । समितिले खाणसँगै नेता युवराज गिरी र व्यवसायी चुन्नुप्रसाद पौडेलेका नाम पनि सिफारिस गरेको छ ।
यसअघि २०७४ को निर्वाचनमा गृहमन्त्री खाण रुपन्देही ३ बाट समानुपातिक सिटमा बस्नुभएको थियो । रुपन्देही २ नेकपा ९एमाले० का नेता विष्णु पौडेलको विरासतका रुपमा रहँदै आएको छ ।
सो क्षेत्रमा २०७४ सहित सोअघिका तीनवटा संसदीय निर्वाचनमा पौडेल विजयी हुँदै आउनुभएको छ । रुपन्देही कांग्रेसका अनुसार गृहमन्त्री खाण रुपन्देही ३ बाट पनि सिफारिस हुनसक्ने बताएको छ ।
रुपन्देही ४ मा भने प्रतिनिधिसभा सदस्य निर्वाचनको उम्मेदवारमा कांग्रेस क्षेत्रीय समितिले प्रमोद यादवलाई एकल सिफारिस गरेको छ । उहाँ २०७४ को निर्वाचनमा पनि निर्वाचित हुनुभएको थियो ।
