एजेन्सी । बलिउड अभिनेत्री अमिषा पटेलविरुद्धको मुद्दामा सर्वोच्च अदालतले अन्तथरिम आदेशको रोक लगाएको छ । झारखण्ड ट्रायल कोर्टले अमिषाविरुद्ध धोखाधडी र विश्वास तोडेको आरोपमा समन जारी गरेको थियो ।
यसपछि अमिषाले सर्वोच्च अदालतमा निवेदन दिएकी थिइन् । अब न्यायाधीश बीआर गवई र पीएस नरसिम्हाको इजलासले झारखण्ड सरकारलाई यस सम्बन्धमा नोटिस पठाएको छ ।
तर सर्वोच्च अदालतले निगोसिएबल इन्स्ट्रुमेन्ट ऐनको दफा १३८ (चेक बाउन्स) बमोजिम सजाय हुने कसुरमा कानुनबमोजिम कारबाही अघि बढाउनुपर्ने ठहर गरेको छ ।
निर्माता अजय कुमार सिंहले अमिषा पटेलविरुद्ध उजुरी दिएका थिए । अजयले देसी म्याजिक नामक फिल्म बनाउन अमिषाको बैंक खातामा २.५ करोड रुपैयाँ ट्रान्सफर गरेको उजुरीमा उल्लेख छ । तर, अमिषाले न त फिल्मको निर्माणको काम सुरु गरिन् न निर्माताको पैसा फिर्ता गरिन् ।
