काठमाडौँ । भारतका गौतम अडानी विश्वकै तेस्रो धनाड्य व्यक्ति बनेका छन् । अडानी समूहका अध्यक्ष गौतम विश्वकै तेस्रो धनाड्य व्यक्ति बनेका हुन् ।
विश्वका धनीहरुको सूचीको पहिलो नम्बरमा टेस्लाका सीईओ इलन मस्क र दोस्रो नम्बरमा अमेजनका संस्थापक जेफ बेजोस रहेका छन् । अडानी यो उपलब्धि हासिल गर्ने एसियाकै पहिलो व्यक्ति समेत हुन् ।
ब्लूमबर्ग बिलियनेर्स इन्डेक्सका अनुसार ६० वर्षीय अडानीको कुल सम्पत्ति १३७.४ बिलियन डलर पुगेको छ । यो वर्ष उनको कुल सम्पत्ति ६०.९ अर्ब डलरले बढेको छ । गत फेब्रुअरीमा मुकेश अम्बानीलाई उछिन्दै उनी एसियाकै सबैभन्दा धनी व्यक्ति बनेका थिए ।
भारतका मुकेश अम्बानी एक पटक विश्वका धनीहरुको सूचीमा चौंथो नम्बरमा पुगेका थिए ।
