काठमाडौं । पाँच टी-२० र तीन एकदिवसीय खेलका लागि केन्या भ्रमणमा रहेको नेपाली राष्ट्रिय क्रिकेट टोलीले आज (बिहीबार) घरेलु टोलीसँग पहिलो टी-२० अन्तर्राष्ट्रियमा खेल खेल्दै छ ।
केन्याको नैरोवीस्थित जिमखाना क्रिकेट मैदानमा हुने खेल दिउँसो पौने ४ बजे बाट सुरु हुनेछ । सन्दीप लामिछानेको कप्तानीमा रहेको नेपालले पहिलो खेलमा सोमपाल कामी, आदील अन्सारी लगायतका खेलाडि भने सामेल हुने छैनन् । भिषा समयमै नआउदा सोमपाल कामी, आदील अन्सारीलगायत खेलाडी हिजो बुधबार मात्रै केन्या प्रस्थान गरेका थिए । केही खेलाडी भने बिहीबार बिहान मात्रै पुग्नेछन् ।
मनोज प्रभाकरको प्रशिक्षणमा नेपालले आज पहिलो खेल खेल्दैछ । आजको खेललाई मनोज प्रभाकरको पनि अग्नि परीक्षाको रुपमा हेरिएको छ । उनले सबै खेल जित्न खेल्ने बताएका छन् । त्यस्तै कप्तान सन्दीपले समेत सबै खेल जित्न खेल्ने बताएका छन ।
दोस्रो टी-२० भदौ १० गते , तेस्रो भदौ १२ गते, चौंथो भदौ १३ गते र पाँचौ तथा अन्तिम टी-२० भदौ १४ गते हुनेछ ।
