काठमाडौँ । नेपालस्थित अमेरिकी राजदूत र्यान्डी बेरीले ३१ वर्षअघि युक्रेनले सोभियत संघबाट स्वतन्त्रता पाएको तर आज फेरि युक्रेन आफ्नो स्वतन्त्रताका लागि लडिरहेको बताउनुभएको छ ।
उहाँले ट्विट गर्दै भन्नुभएको छ, “आज युक्रेनको राष्ट्रिय दिवसका दिन हामी युक्रेनी जनता र बाँकी संसारसँगै युक्रेनी जनताको भावना र बलको उत्सव मनाउँदैछौँ । साथै युक्रेनमा युद्ध सुरु भएको छ महिना पुगिसकेको छ । यी छ महिना डर र अनिश्चिततामा बितेका छन् ।
आफ्नो स्वतन्त्रता सराहना गर्नप्रति समर्पित हुनुपर्ने आजको दिनमा युक्रेनी जनताहरु क्रुर, अकारणको आक्रमणका विरुद्ध लड्दै स्वतन्त्रता मनााउन बाध्य हुनुपरेको छ । युक्रेन आफ्नो स्वतन्त्रताको रक्षा गर्न सफल हुनसक्छ र सफल हुनेछ । आफ्नो साहस र क्रुरताको अवज्ञाबाट युक्रेनले विश्वलाई प्रेरित गरेको छ । हामी सबैले युक्रेनलाई मानविय, आर्थिक र सैन्य सहायतामार्फत सहयोग गरि नै रहनुपर्दछ र रुसी सेना युक्रेनबाट नहटेसम्म रुसमाथि दबाब बढाउन छाड्नु हुँदैन । हामी सबै युक्रेनी जनताको साथमा उभिएका छौँ ।”
युक्रेनी जनतालाई रुसको हिंसा र उत्पीडनबाट मुक्त गर्न अमेरिकाले #UnitedwithUkraine, को साथमा उभिन जारी राखेको राजदूतले बताउनुभएको छ ।
31 years ago, Ukraine gained its freedom from the Soviet Union but today, Ukraine is again fighting for its freedom. The US continues to stand #UnitedwithUkraine, for however long it takes, to free the Ukrainian people from Russia’s violence and oppression. pic.twitter.com/e3mUXpB7Bl
— Ambassador Randy Berry (@USAmbNepal) August 24, 2022
