काठमाडौँ । बुधबार बिहानैदेखि अनधिकृत संरचना हटाउन फिल्डमै खटिएका काठमाडौँ महानगरपालिका मेयर बालेन्द्र शाह (बालेन) अहिले दरबारमार्ग पुगेका छन् ।
महानगरपालिकाले बिहानैबाट महानगरपालिका भित्रका मुख्य व्यापारिक क्षेत्रमा नक्सापासविना बनाइएका संरचनामा डोजर चलाइरहेको छ । सोही क्रममा मेयर बालेन दरबारमार्ग पुगेका हुन् ।
महानगरले दरबारमार्गमा लन्डन पब र मात्सुरी टोक्यो क्याफेको सामान हटाउन थालेको छ । बालेनले बुधबार र बिहीबारसम्म सामान हटाउन व्यापारीहरुलाई निर्देशन दिएका छन् ।
महागरपालिकाले यसअघि बिहान काठमाडौं मल अगाडिको संरचनामा र खिचापोखरी तथा रञ्जना गल्लीका व्यापारिक मलमा डोजर लगाएको थियो ।
