काठमाडौँ । नेकपा (एमाले) को आग्रहमा प्रतिनिधिसभाको बैठक एक साताका लागि स्थगित भएको छ ।
एमालेले आज मंगलबारदेखि यही भदौ १२ गतेसम्म पार्टीका विभिन्न कमिटीका बैठक रहेको भन्दै एक सातासम्म प्रतिनिधिसभा बैठक नराख्न सभामुख अग्निप्रसाद सापकोटासँग आग्रह गरेको थियो ।
एमालेको आग्रहका कारण प्रतिनिधिसभाको बैठक यही भदौ १३ गते बिहान ११ बजेसम्मका लागि स्थगित भएको छ ।
एमालेको आज स्थायी कमिटीको बैठक बस्दैछ । सो पार्टीले त्यस्तै भदौ ९ गते पोलिटब्यूरो बैठक, १० र ११ गते केन्द्रीय कमिटी बैठक र १२ गते निर्वाचन परिचालन कमिटीको बैठक बोलाएको छ ।
