काठमाडौं । देशभर पछिल्लो २४ घण्टामा थप ८५२ जनामा कोरोना संक्रमण पुष्टि भएको छ ।
स्वास्थ्य तथा जनसंख्या मन्त्रालयले दिएको जानकारी अनुसार ५ हजार ३८३ जनामा गरिएको परीक्षणमा सो संख्यामा संक्रमण पुष्टि भएको हो ।
तीन हजार ८७६ पीसीआर परीक्षणमा ५३१ र दुई हजार ५०७ एन्टिजेन परीक्षणमा ३२१ जनामा संक्रमण देखिएको मन्त्रालयले जनाएको छ ।
पछिल्लो २४ घण्टामा कोरोना संक्रमणमुक्त हुनेको संख्या ३२८ रहेको छ भने यसको संक्रमणका कारण पछिल्लो २४ घण्टामा कसैको मृत्यु भएको छैन ।
हाल नेपालमा सक्रिय संक्रमितको संख्या पाँच हजार ४६२ पुगेको छ ।
