एजेन्सी । स्पेनिस ला लिगा फुटबल अन्तर्गत बार्सिलोनाले बराबरीबाट नयाँ सिजनको सुरुवात गरेको छ ।
घरेलु मैदान क्याम्प नोउमा बार्सिलोनाले रायो भालेकानोसँग गोलरहित बराबरी खेल्दै सिजनको सुरुवात गरेको हो ।
खेलमा बार्सिलोनाले दबाब बनाइराखेपनि गोल गर्न भने सकेन । खेलको इन्जुरी समयमा सर्जियो बुस्केटल दोहोरो पँहेलो कार्डसहित रेड कार्ड खाँदै मैदानबाट बाहिरिएका थिए ।
बार्सिलोनाले रायो भालेकानोविरुद्ध यसै समरमा क्लबमा भित्र्याएका रोबर्ट लेवान्डोस्की, राफिन्हा र आन्द्रेस क्रिस्टेन्सेनलाई पहिलो रोजाईमा खेलाएको थियो ।
यो बराबरीसँगै दुवै टोलीले समान १ अंक जोडेका छन् ।
