काठमाडौ। गएराति परेको वर्षाले काँडाघारीमा रहेको प्रहरी प्रभागको भवन डुबानमा परेको छ ।
प्रभागको तल्लाको पुरै भाग डुबानमा परेको हो ।बाढीले कार्यालय भवनको एक तल्लाको पुरै भाग डुबाएको र मेसमा रहेका खाद्यान्न, फर्निचर लगायतका सामान बगाएको प्रहरीले जानकारी दिएको छ ।
प्रहरीले जारी गरेको बुलेटिन अनुसार कार्यालयको पछाडि पार्किङ गरेर राखिएका तीनवटा मोटरसाइकल पनि बाढीले बगाएको छ ।यसैगरी कम्प्युटर, इन्टरनेट, सन्चार उपकरणको बेस सेटले काम नगरेको र बत्ती नहुँदा कार्यालयको फोनसमेत बन्द भएको छ ।
