एजेन्सी । साउथ अभिनेता विजय सेतुपति अहिले पान इन्डिया स्टार बनेका छन् । उनको भर्सटायल अभिनयका कारण उनले निकै फ्यानहरू बनाएका छन् । त्यसैले जब पनि विजय सेतुपतिको नाम फिल्मसँग जोडिन्छ, फ्यानहरू निकै उत्साहित हुन्छन् । आजकल विजय सेतुपतिसँग धेरै ठूला प्रोजेक्टहरू छन् जसमा उनी खलनायकको भूमिकामा देखिनेछन् ।
यो लिस्टमा शाहरुख खानको ‘जवान’ र अल्लु अर्जुनको ‘पुष्पा २’ जस्ता फिल्महरू समावेश छन् । तर के तपाईलाई थाहा छ विजय सेतुपति सबैभन्दा महँगो खलनायक पनि बनेका छन् । उनले आफ्ना केही फिल्मबाटै सय करोडभन्दा बढी कमाउने भएका छन् ।
एक रिपोर्टका अनुसार शाहरुख खानको फिल्म जवानमा खलनायकको भूमिकामा विजय सेतुपतिलाई साइन गरिएको छ । एट्लीको निर्देशनमा बनेको यस फिल्मका लागि विजय सेतुपतिले ३० करोड भारु पारिश्रमिक लिएका छन्, जुन ठूलो रकम हो । यस्तै विजय सेतुपति अल्लु अर्जुनको ‘पुष्पा २’ को लागि करिब २५ करोड भारु लिएका छन् । यस फिल्ममा विजय सेतुपति र अल्लु अर्जुनको भिडन्त हुनेछ । यो फिल्मलाई सुकुमारले निर्देशन गर्दैछन् ।
विजय सेतुपति साउथ सुपरस्टार नन्दमुरी बाला कृष्णको आगामी फिल्म ‘वीजेएस’ मा पनि महत्वपूर्ण भूमिका निभाउने छन् र यस भूमिकाका लागि पनि अभिनेताले मोटो रकम लिएका छन् । एक रिपोर्टका अनुसार यस फिल्मको लागि विजयको पारिश्रमिक २५ करोड भारु तय भएको छ । ‘जवान’, ‘पुष्पा २’ र ‘भिजेएस’को पारिश्रमिक जोड्ने हो भने, विजय सेतुपतिले यी तीन फिल्मबाट मात्रै ८० करोड कमाइसकेका छन् ।
यी तीन फिल्मबाहेक विजय सेतुपति हिन्दी फिल्म ‘मेरी क्रिसमस’ र ‘गान्धी वार्ता’मा कट्रिना कैफसँग देखिनेछन् ।
