काठमाडौं । लोकतान्त्रिक समाजवादी पार्टी (लोसपा) अध्यक्ष महन्थ ठाकुरले प्रधानमन्त्री शेरबहादुर देउवालाई भेट्ने भएका छन् ।
आइतबार अपराह्न ४ बजे ठाकुरले प्रधानमन्त्री देउवालाई भेट्न बालुवाटार जान लागेका हुन् ।
भेटमा सरकारमा सामेल र मुद्दा फिर्ता छलफलका एजेन्डा रहेको बताइएको छ । यसअघि पनि पटकपटक लोसपा शीर्ष नेता र प्रधानमन्त्री देउवाबीच छलफल भइसकेको छ । सोही कारण अहिलेको सरकारमा लोसपालाई सहभागी हुन प्रधानमन्त्री देउवाले आग्रह गर्दै आएका छन् ।
