काठमाडौँ । जनवादी गणतन्त्र चीनका विदेशमामिला मन्त्री वाङ यीको निमन्त्रणमा परराष्ट्रमन्त्री डा. नारायण खड्काले यही साउन २४ देखि २६ गतेसम्म चीनको भ्रमण गर्ने हुनुभएको छ ।
दुई मन्त्रीहरूले साउन २५ गते चीनको छिङदाओमा आ–आफ्नो प्रतिनिधिमण्डलको नेतृत्व गर्दै प्रतिनिधिमण्डलस्तरीय द्विपक्षीय वार्ता गर्नुहुने परराष्ट्र मन्त्रालयले जनाएको छ ।
स्टेट काउन्सिलर तथा विदेश मन्त्री वाङ यीले परराष्ट्रमन्त्री डा खड्काको सम्मानमा रात्रिभोजको आयोजना गर्नु हुनेछ । मन्त्री खड्का र प्रतिनिधिमण्डलका सदस्यहरु साउन २६ गते स्वदेश फर्कने कार्यक्रम छ ।
