काठमाडौँ । सत्ता साझेदार पाँच दलीय गठबन्धनले आगामी मंसिर ४ गते हुने प्रतिनिधिसभा र प्रदेशसभा निर्वाचनमा चुनावी तालमेल गर्ने सहमति गरेको छ ।
चुनावी तालमेल गर्न आगामी भदौ पहिलो साताभित्र सबै काम सक्ने गरी कार्यदल गठन गर्ने सत्ता गठबन्धनका दलहरुबीच सहमति भएको छ ।
प्रधानमन्त्री निवास बालुवाटारमा आज बिहान बसेको गठबन्धनका शीर्ष नेताहरुको बैठकले कार्यदल गठन गर्ने सहमति गरेका हुन् । कार्यदलमा रहने व्यक्तिहरु आपसी छलफलपछि टुंगो लगाउने निर्णय भएको छ ।
