काठमाडौं । सरकारले मंसीर ४ गते प्रतिनिधिसभा र प्रदेशसभको निर्बाचनका लागि मिति घोषणा गर्ने तयारी गरेको छ ।
एक मन्त्रीले न्यूजपोलार संग भन्नुभयो ‘आज बस्ने मन्त्रिपरिषद्को बैठकले निर्वाचनको मिति घोषणाको निर्णय गर्ने तयारी छ ।’ मंसीर ४ गते एकै चरणमा निर्वाचन गर्न हिजो बुधबार सत्तागठबन्धनमा सहमति भएको थियो ।
यसै बिच गठबन्धनका शीर्ष सहित केही नेताहरु लाई चुनाब जित्नका लागि एउटै निर्वाचन चिन्ह लिएर उठ्ने बारेमा पनि गठबन्धन भित्र छलफल भएको छ । गठबन्धनका एक नेताले भन्नुभयो ‘स्थानीयतहको निर्वाचनमा धेरै मत बदर भयो, बदर मत सुरक्षीत गर्न एउटै निर्बाचन चिन्हमा उठ्ने कुरा पनि छलफल सुरु भएको छ । ‘
उहाँका अनुसार बर्तमान निर्बाचन कानूनले जुन दलको चिन्ह लिएर उठेको सोही दलको व्हिप लाग्ने हुदाँ कानुनी अड्चन फुकाउने बारेमा पनि छलफल सुरु भएको छ । नेपाली काग्रेसले आफ्नो चुनाब चिन्ह रुख प्रयोग गर्न सकिने जनाएको छ ।
