• १४ बैशाख २०८१, शुक्रबार
  •      Fri Apr 26 2024
  •   Unicode
Logo
Latest
★   इलाम र बझाङमा उपनिर्वाचन भोलि, तयारी सकियो ★   मुस्ताङको कोरोलामा नेपाल र चीनका प्रहरीको संयुक्त पैदल गस्ती (फोटो फिचर) ★   नायग्रा फल्सका रघुनाथ, नेपाली खाना, संस्कृति र सामग्रीको प्रचारका संवाहक ★   तातो हावाले भुमरी बनाएर उडाएको माटो र खरानी बस्तीमा भरियो ★   आज पहाडी भेगमा आंशिक बदली, बाँकी भागमा मौसम सफा रहने ★   लगातार ६ हारपछि बैंगलोरले हैदराबादलाई ३५ रनले हरायो ★   प्रिमियर लिगः ब्राइटनमाथि म्यान्चेस्टर सिटीको सहज जित, उपाधि होड रोमाञ्चक बन्दै ★   आजदेखि कक्षा १२ को परीक्षा: तीन लाख ९० हजार आठ सय ४७ परीक्षार्थी सहभागी हुँदै ★   आइस्पानको चेतावनी: सरकारका कारण इन्टरनेटको सेवा जतिबेला पनि अवरुद्ध हुन सक्छ ★   नियमविपरीत खटिएका सुरक्षाकर्मी फिर्ता गर्न गृहको निर्देशन

माटो जोगाऔं



अहिलेको पर्यावरण तथा जलवायु परिवर्तनको अवस्था बारे हामी सबैलाई थाहा नै छ ।

विश्वव्यापी रूपमा तापमान बढ्नुका साथै वन्यजन्तुहरू लोप भइरहेका छन्। पानीको हाहाकार उत्तिकै छ । तसर्थ, यतिखेर मानवजातिको लागि सबैभन्दा गम्भीर खतरा भने ‘माटोको विनाश’ हुनु हो।

द्रुत गतिमा माटोको गुणस्तर घट्दै गएकोले जमीनको अन्न उब्जाउने क्षमता निकै खस्किएको छ ।

विश्व खाद्य तथा कृषि सङ्गठनका अनुसार विश्वको ५२५ खेती योग्य माटो नष्ट भइसकेको छ । संयुक्त राष्ट्र सङ्घले भने अनुसार हामीसँग अब केवल ६० वर्षको लागि माटो बचेको छ। एक acre खेती योग्य जमिन एक सेकेन्डमा मरुभूमि बनि रहेकोछ । यसरी माटो नै सखाप हुने अवस्था श्रृजना भईरहेको समयमा माटोलाई विनाश हुनबाट जोगाउनका लागि १०० दिन, ३०,००० किलोमिटर, एकल मोटरसाइकल यात्रामा रहनुभएका योगी एवं दूरदर्शी, सद्गुरुलाई आभार र शुभकामना व्यक्त गर्न चाहन्छु ।

साथै, यस विश्वव्यापी *माटो जोगाऔँ* (Save Soil) अभियानलाई पनि समर्थन गर्न चाहन्छु । यस अभियानको उद्देश्य विश्वभरिबाट ३.५ अर्ब मानिसहरू, विश्वभरिका ६०५ मतदाताहरूको समर्थन जुटाउने, माटोलाई पुनः जीवन्त पार्न र यसको विनाश रोक्नको लागि नीतिगत कार्यहरू शुरु गर्न विश्वभरिका सरकारहरूलाई सघाउने, रहेको छ।

यस अभियानलाई हामीले पनि समर्थन गरी, सोही अनुरुप नितिगत व्यवस्था लागु गर्न सकेमा भावी पुस्ताले माटो विनाश एवम् खाध्यान्न संकट जस्ता भीषण परिस्थितीको सामना गर्नुपर्ने स्थिति हुने थिएन ।

तसर्थ, सोही नितिगत व्यवस्था लागु गर्न नेपाल सरकारको पनि ध्यानाकर्षण गर्न चाहन्छु र यहाँहरु सबैजनालाई यस अभियानलाई समर्थन गरी यसलाई साकार पार्न आह्वान गर्दछु । माटो जोगाऔं ।

नेकपा माओबादी केन्द्रका बरिष्ठ नेता श्रेष्ठको फेसबुकबाट