काठमाडौं । अर्थमन्त्रीमा जनार्दन शर्मा सिफारिस भएका छन् । माओवादीको सिफारिससँगै शर्मालाई अर्थमन्त्रीमा नियुक्त गर्न लागिएको हो ।
प्रधानमन्त्रीले सिफारिस गरिसकेपनि शपथको समय भने निर्धारण गरिएको छैन । मन्त्रीको स्वागतका लागि अर्थ मन्त्रालयभित्र तयारी भईरहको अर्थमन्त्रालयका एक अधिकारीले जानकारी दिए ।
१४ जेठमा अर्थमन्त्रालयमा अनधिकृत व्यक्तिको प्रवेश गराएर करका दरहरू हेरफेर गराएको आरोप लागेपछि शर्माले गत २२ असारमा अर्थमन्त्रीबाट राजीनामा दिएका थिए । जसका लागि संसदीय छानबिन समिति समेत गठन भएको थियो । तर, छानबिन समतिले आरोप पुष्टि गर्न नसकेपछि उनलाई फेरि अर्थमन्त्री बनाउन लागिएको हो ।
राष्ट्रपति कार्यालयले शपथको समय भने अझै नतोकेको स्रोतले जनाएको छ ।
