काठमाडौ । नागरिकता बिहिनहरुले आफूहरुको अभिभावक भएर समस्या समाधानका लागि पहल गर्न आग्रह गर्दे राष्ट्रपति बिद्यादेबी भण्डारीलाई पत्र लेखेका छन् ।
नागरिकता बिहिन नेपालीहरुका तर्फबाट ईञ्जिनियर इन्द्रजित साफीले राष्ट्रपति भण्डारीलाई पत्र लेख्दै संसदबाट नागरिकता बिधेयक पास गराउने पहल गरिदिन पनि आग्रह गरेका छन् । पत्रमा उनिहरुले नेपालको सबिधान २०७२को भाग २ धारा १० को उपधारा १ अनुसार कुनै पनि नेपाली नागरिकलाई नागरिकता प्राप्त गर्ने हकबाट बन्चित गरिने छैन भन्ने स्पष्ट व्यवस्था गरेपनि आफुहरु नागरिकता बिहिन भएर बस्नु परेको पीडा ब्ब्यक्त गरेका छन् ।
पत्रमा उनिहरुले सबिधानकाृ भाग २ को धारा ११ को उपधारा ३ अनुसार यो सबिधान प्रारम्भ हुनुभन्दा अघि जन्मको आधारमा नेपालको नागरिकता प्राप्त गरेको नागरिकको सन्तानले बाबु र आमा दुबै नेपालको नागरिक रहेछन् भने निज वालिग भएपछि वंशजको आधारमा नेपालको नागरिकता प्राप्त गर्ने छ भन्ने कुराको पनि स्मरण गराएका छन् । नागरिकता बिहिन नेपालीहरुले लेखेको पत्रमा सबिधानको धारा ११को उपधारा ५ अनुसार नेपालको नागरिक आमाबाट नेपालमा जन्म भै नेपालमा नै बसोबास गरेको र बाबुको पहिचान हुन नसकेको व्यक्तिलाई बंशजको आधारमा नेपालको नागरिकता प्रदान गरिने उल्लेख भएको तर बाबु बिदेशी नागरिक ठहरेमा त्यस्तो व्यक्तिको नागरिकता संघीय कानून अनुसार अंगीकृत नागरिकतामा परिणत हुने उल्लेख गरिएको छ ।
पत्रमा नेपालको सबिधानले नागरिकता प्राप्तिमा नरोकेको भएपनि कानूनको अभाबमा नागरिकता प्राप्त गर्न नसकेको जनाईएको छ । प्रतिनिधिसभााको राज्य व्यवस्था तथा शुशासन समितिमा २०७५ भाद्र ५ गते नागरिकता बिधेयक दर्ता भए पनि सत्ताको लडाईमा नागरिकता बिधेयक अघि बढ्न नसेकेको उल्लेख गरिएको छ । पत्रमा दल बिभाजन गर्ने गरी ल्याईएको अध्यादेश तत्काल कार्यन्वयन हुने र नागरिकता सम्बन्धी अध्यादेश रोकिने भन्ने प्रश्न गर्दे आफूहरु कहिले सम्म अनागरिक भएर बस्ने भनि प्रश्न गरेका छन् ।
नागरिकता बिहिनहरुले आफुहरुलाई परेको समस्या उल्लेख गर्दे राष्ट्रपतिलाई पठाएको पत्रमा लेखेका छन् नागरिकता नभएर पढ्न पाईएन, पढेपनि काम गर्न पाईएन , बैदेशीक रोजगारीमा जाने आधार छैन , बैकमा खाता खोल्न सकिएको छैन , आफनो नाम बाट सीमकार्ड समेत निकाल्न नपाएको अबस्था छ ।
पटक पटक सरोकारवला निकायको ध्यानकर्षण गराउदै आन्दोलन धर्ना ,ज्ञापनपत्र बुझाउने काम गरेपनि कतै बाट सुनुवाई भएको गुनासो उनिहरुको रहेको छ । राष्ट्रपति लाई पठाएको पत्रको उनिहरुले प्रधानमन्त्री तथा मन्त्रीपरिषद्को कार्यलय , गृहमन्त्रालय , कानून न्याय तथा संसदीय मामिला मन्त्रालय र सबैधानिक परिषद्लाई बोधार्थ दिएका छन् ।
