काठमाडौँ । साफ यू– २० च्याम्पियनसिप अन्तर्गत नेपालले आज श्रीलंकासँग खेल्दैछ । पहिलो खेलमा माल्दिभ्समाथि ४–० गोलको जित निकाल्दै उच्च मनोवल बोकेको नेपालले आज दास्रो खेल श्रीलंकाविरुद्ध खेल्न लागेको हो ।
नेपाल र श्रीलंकाबीचको खेल भुवनेश्वरस्थित कालिंगा स्टेडियममा नेपाली समय अनुसार साँझ सवा ७ बजे सुरु हुनेछ ।
आज श्रीलंकालाई हराएर फाइनल यात्रा सहज बनाउने नेपालको लक्ष्य रहेको छ । उता पहिलो खेलमा बंगलादेशसँग १–० गोलको हार ब्यहोरेको श्रीलंका पहिलो जितको खोजीमा रहेको छ ।
पाँच टिम सहभागी च्याम्पियनसिपमा सिंगल राउण्ड रोविनका आधारमा खेल हुनेछ र शीर्ष दुई टिमले फाइनल खेल्नेछन् ।
