काठमाडौं । निवर्तमान अर्थमन्त्री जनार्दन शर्माले बजेट निर्माणमा अनधिकृत व्यक्ति संलग्न नरहेको दाबी गर्नुभएको छ ।
बजेट निर्माणका क्रममा अनाधिकृत व्यक्तिलाई प्रवेश गराएको आरोप लागेका शर्मा माथी छानबिन गर्न गठन गरिएको संसदीय छानविन विशेष समितिको बैठकमा उहाँले यस्तो दाबी गर्नुभएको हो ।
उहाँले आफूमाथी लागेको आरोपहरुको खण्डन गर्दे स्थापित मूल्य, मान्यता, विधि, पद्धतिका आधारमा बजेट निर्माण गरिएको जानकारी गराउनु भयो ।
समितिको बैठकमा शर्माले भन्नुभयो ‘त्या को भित्र आयो को गयो भन्ने कुरा सजिलै थाहा हुनसक्छ । त्यहाँ सुरक्षाकर्मीहरु हुन्छन अरु मर्यादापलकहरु हुन्छन । बाहिरको मान्छे पस्ने कुनै सम्भावना छैन । पसेको भएक थाहा भैहाल्थियो ।’
आर्थिक वर्ष २०७९/८० को बजेट निर्माणको क्रममा अनधिकृत व्यक्तिलाई सहभागी गराएको र उनिहरुको सल्लाहमा करको दर हेरफेर गरेको आरोप लागेपछि शर्माले गत असार २२ गते अर्थमन्त्री पदबाट राजीनामा दिनु भएको थियो ।
