एजेन्सी । अभिनेता सौगात मल्ल र अनुपविक्रम शाहीको अभिनय रहेको नेपाली फिल्म ‘जार’ को फष्टलुक सार्वजनिक भएको छ । निर्माण युनिटले फिल्मको प्रचार–प्रसार सुरु गर्ने योजनासहित फिल्मको फष्टलुक पोष्टर बाहिर ल्याएको हो ।
पोस्टरमा लिड अभिनेत्री गिताञ्जली थापालाई केन्द्रमा राखिएको छ भने सौगात र अनुप क्यारेक्टर लुक्समा देखाइएको छ । झुमा लिम्बु र गंगा थापाको संगीत, अखिलेश राईको सम्पादन रहेको फिल्मको केही समयपछि टिजर र प्रदर्शन मिति सार्वजनिक गर्ने निर्माण युनिटले जनाएको छ ।
सन् १८ सयको दशकको अन्त्यतिर सिक्किमेली समाजमा घटेको एक यथार्थ घटनाको बिषयमा फिल्म बनेको हो । त्यसैले फिल्मको सबै छायाँकन सिक्किममै गरिएको छ । फुर्वा छिरिङ लामाको निर्देशन रहेको फिल्म इन्द्रबहादुर राईले लेखेका हुन् । फेर्री टेल पिक्चर्सले ‘होप रिल एण्ड एलए सर्ट्स’ को सहकार्यमा फिल्म निर्माण गरेको हो ।
