एजेन्सी । हलिउड गायक निक जोनस र बलिउड अभिनेत्री प्रियंका चोपडा सामाजिक सञ्जालमा सक्रिय छन् । दुइ जनाको पहिलो भेट २०१७ मा मेटगालामा भएको थियो । केही भेटघाटपछि २०१८ मा उनीहरु सम्बन्धमा रहे ।
दुई महिनाको डेटिङपछि दुवैले २०१८ मै इन्गेजमेन्ट र विवाह गरे । सन् २०२२ को जनवरीमा सरोगेसीमार्फत छोरीको जन्म भएको थियो । जसको नाम मालती राखियो ।
कुनै स्थानमा छुट्टी मनाउन निस्किएमा यो जोडीले सामाजिक सञ्जालमा तस्बिर तथा भिडियो सेयर गर्ने गर्छन् । गत हप्ता यो जोडीले फ्रान्समा घुम्दाको तस्बिर सामाजिक सञ्जालमा सेयर गरेका छन् । जसले निकै चर्चा कमाइरहेको छ ।
