कोलम्बो । रनिल विक्रमासिंघेले शुक्रबार देशको कार्यवाहक राष्ट्रपतिको पदभार ग्रहण गरेलगत्तै संकटकाल घोषणा गरेका छन् । सरकारले जारी गरेको सूचनामा यस्तो जानकारी दिइएको हो ।
पूर्वराष्ट्रपति गोटाबाया राजापाक्षेले देश छाडेपछि विक्रमासिंघेले देशको कार्यवाहक राष्ट्रपतिको रुपमा सपथ लिएका थिए । जनताले ठूलो मात्रामा विरोध गर्दै आएका छन् र अहिले सयौं दिन पुगेको छ ।
आर्थिक संकट जारी छ र यसलाई कसरी समाधान गर्ने हो कसैले बुझ्न सकेको छैन । आइतबार आपत्कालीन सूचना जारी गरिएको हो ।
किन लगाइयो संकटकाल ?
राष्ट्रपतिले जारी गरेको विज्ञप्तिमा ‘जनताको हित, सुरक्षा, कानूनको संरक्षण, आपूर्तिको मर्मत सम्भार र सबैको जीवनयापनका लागि आवश्यक सेवाको निरन्तरतालाई ध्यानमा राखेर यो निर्णय गरिएको’ उल्लेख छ ।
श्रीलंकाका पूर्वराष्ट्रपति राजापाक्षेले देशलाई आर्थिक संकटबाट जोगाउन आफूले सबै प्रयास गरेको बताएका छन् । उनी पहिले देशबाट भागेर माल्दिभ्स गए र अहिले सिंगापुरमा छन् जहाँ उनलाई १५ दिन मात्र दिइएको छ ।
श्रीलंकाको संसद्ले शुक्रबार राजपाक्षेको राजीनामा स्वीकृत गरेको छ । देशका विभिन्न भागमा प्रदर्शन भइरहेका बेला कोलम्बोमा राजापाक्षेको बिदाइपछि भीड घट्दै गएको छ ।
प्रदर्शनकारीहरुले राष्ट्रपति भवन, प्रधानमन्त्रीको आधिकारिक टेम्पल ट्रीज निवास र उनको कार्यालय गरी तीनवटा महत्वपूर्ण भवन खाली गरेका छन् । विक्रमासिंघेले सेनालाई प्रदर्शनकारीसँग कडाइका साथ व्यवहार गर्न निर्देशन दिएका छन् ।
रक्षा अधिकारीहरुका अनुसार सुरक्षा व्यवस्थालाई कायम राख्न कोलम्बोमा थप सैनिक र प्रहरीहरु पठाइएको छ । मुलुकमा जुलाई २० अर्थात यही साउन ४ गते राष्ट्रपतिको निर्वाचन हुँदैछ र विक्रमासिंघेले नै यो पद पाउने विश्वास गरिएको छ ।
किन अवस्था यति नराम्रो भयो ?
श्रीलंकाको अवस्था रातारात बिग्रिएको होइन । सन् २०१९ मा राजापाक्षे देशको राष्ट्रपति बनेपछि उनको नीतिमाथि प्रश्न उठ्न थाल्यो । यसपछि कोभिड–१९ को महामारी सुरु भएपछि स्थिति झन् बिग्रियो । पर्यटनमा आधारित अर्थतन्त्र ध्वस्त हुन थाल्यो र बिस्तारै सबै समाप्त भयो।
जनता रोटीको लागि तृष्णा गर्न थाले र सडकमा आउन बाध्य भए। ऋणले डुबेको यो देशले खाद्यान्न, इन्धन र औषधिसमेत तिर्न नसक्ने संकटमा छ ।
श्रीलंका सहयोगका लागि भारत, चीन र अन्तर्राष्ट्रिय मुद्रा कोष (आईएमएफ) मा पूर्णरूपमा निर्भर छ। इन्धन र खाना पकाउने ग्यासका लागि मानिसहरु घण्टौँ लाइनमा बस्नुपरेको छ ।
हेर्दा हेर्दै सरकारको दायित्व बढेर ५१ अर्ब डलरको भएको छ । ऋणको ब्याज तिर्न पनि श्रीलंका असहाय बन्यो ।
देशको अर्थ मन्त्रालयले श्रीलंकासँग २ करोड ५० लाख अमेरिकी डलर मात्रै विदेशी सञ्चिति रहेको र आगामी ६ महिनासम्म देश चलाउन ६ अर्ब डलर आवश्यक पर्ने बताएको छ । जसका कारण देश गरिबीको चुलीमै पुगेको छ ।
एजेन्सीको सहयोगमा
