• ४ जेष्ठ २०८१, शुक्रबार
  •      Fri May 17 2024
  •   Unicode
Logo
Latest
★    गरिमा शर्मा र विमल अधिकारी रिटिङ रिटिङ मा ★   ‘ॐ’ ब्रह्माण्डीय आवाज ★   गृहले दियो अध्यागमन विभागलाई अधिकार, गैर आवासीय अध्ययन भिसा र भिसा दस्तुरमा छुट दिन सक्ने ★   नेपालमा पिस कोर रेस्पोन्स स्वयंसेवकको पहिलो समूहद्वारा शपथ ग्रहण ★   कान्स फिल्म फेस्टिभलको रेडकार्पेटमा काठमाडौँका मेयर बालेन ★   अब संसद्को गतिरोध अन्त्य गरेर अगाडि बढ्नुपर्छः अध्यक्ष ओली ★   जब शुभमन गिलले अभिषेक शर्माको आमाको पाउ छोए ★   बैंगलोर र चेन्नईको खेलमा वर्षा भएपनि आधा घण्टामा मैदान सुकाइने ★   मधेस प्रदेशका चार जिल्लाको सीमानाका तीन दिन बन्द रहने ★   गृहमन्त्री संलग्न सहकारीहरुको नाम तोकेर छानविन समिति बनाऔँ: सांसद पाण्डे

सुस्मिता सेन र ललित मोदीको अफेयर, इन्गेजमेन्ट भएकै हो ?



बलिउड अभिनेत्री सुस्मिता सेन र आईपीएलका पूर्व आयुक्त ललित मोदीको अफेयरको खबरले सनसनी मच्चाएको छ । बिहीबार अचानक ललित मोदीले सुस्मिता सेनसँग माल्दिभ्स र सार्डिनियाको छुट्टीको तस्बिर सेयर गरेका थिए ।

यो देखेर प्रयोगकर्तादेखि सेलिब्रेटीसम्म छक्क परेका छन् । अब फेरि एक पटक उनीहरुको सम्बन्धको चकित पार्ने खबर बाहिर आएको छ । सामाजिक सञ्जालमा सुस्मिता सेनले ललित मोदीसँग इन्गेजमेन्ट गरेकी हुन् भन्ने चर्चा चलिरहेको छ । हो, ललित मोदीले सेयर गरेको व्यक्तिगत तस्विरमा अहिले मानिसहरुको ध्यान सुष्मिता सेनको औंठीतिर गएको छ ।

ललित मोदीले सामाजिक सञ्जालमा सुस्मिता सेनसँगका धेरै तस्विर शेयर गरेका छन् । यति मात्र होइन ललित मोदीले ट्विटरमा सुस्मिता सेनसँगको डीपी पनि राखेका छन् ।

अहिले अवस्था यस्तो छ कि सुस्मिता सेन र ललित मोदीको लभ लाइफ र निजी तस्विरको चर्चा चारैतिर भइरहेको छ । तर, सुस्मिता सेनले यस विषयमा अहिलेसम्म कुनै प्रतिक्रिया दिएकी छैनन् ।

ललित मोदी र सुस्मिता सेनको इन्गेजमेन्ट !

सामाजिक सञ्जालमा सुस्मिता सेनको हातमा इन्गेजमेन्ट औँठी देखेर फ्यानहरु सुस्मिताले ललित मोदीसँग इन्गेजमेन्ट गरेकी हुन् भन्ने चर्चा गरिरहेका छन् ।

यसको दोस्रो कारण के हो भने ललित मोदीले यी तस्विरहरू सेयर गर्दा उनले अभिनेत्रीलाई बेटर हाफ पनि भनेका थिए । तर, अर्को पोस्टमा उनीहरुले अहिले एक अर्कालाई डेट गरिरहेको बताएका छन् ।

सुस्मिता सेनको ६ महिनाअघि ब्रेकअप भएको थियो

गत वर्ष सुस्मिता सेन र रोहमन शालको ब्रेकअप भएको थियो । यी दुईले करिब दुई वर्ष डेट गरे र त्यसपछि ब्रेकअप भयो । सुस्मिता सेनले कहिले पनि ब्रेकअपको वास्तविक कारण बताइनन् तर उनले आफू अझै पनि साथी रहेको बताएकी छिन् ।

सुस्मिता सेनले किन बिहे गरिनन् ?

गत महिना सुस्मिता सेन ट्विंकल खन्नाको ट्वीक शोमा देखिएकी थिइन् । यस क्रममा सुस्मिता सेनले आफ्नो व्यक्तिगत जीवनको बारेमा खुलेर कुराकानी गरेकी थिइन् । उनले अहिलेसम्म बिहे नगर्नुको कारण पनि बताइन् ।

आफ्ना सन्तानलाई सधैं पहिलो प्राथमिकतामा राखेको उनले बताइन् । बिहेपछि केही पुरुषका कारण उनी यसबाट टाढा हुन चाहँदिनन् ।

सुस्मिता सेनको बलिउड करियर

सन् १९९४ मा सुस्मिता सेन मिस इन्डिया र त्यसपछि मिस युनिभर्स भइन् । यसपछि अभिनेत्री उनले कहिल्यै पछाडि फर्केर हेर्नुपरेन । विक्रम भट्टको दस्तकबाट बलिउडमा प्रवेश गरेकी उनले धेरै फिल्ममा काम गरेकी थिइन् ।

केही समयअघि उनले आर्य वेब सिरिजबाट सफल ओटीटी डेब्यू पनि गरेकी थिइन् । जसको लागि उनले ओटीटीका लागि फिल्मफेयरको सर्वश्रेष्ठ अभिनेत्री महिला पुरस्कार पनि प्राप्त गरिन् ।