काठमाडौं । उपसभामुखमा प्रमुख प्रतिपक्षी दल नेकपा एमालेको तर्फबाट सांसद विद्या भट्टराईले उम्मेदवारी दर्ता गराउनुभएको छ ।
सङ्घीय संसद् भवन नयाँ बानेश्वरमा पुगेर उहाँले उपसभामुखको उम्मेदवारी दर्ता गराउनुभएको हो । उहाँको प्रस्तावकमा शान्ता चौधरी र समर्थकमा कृष्णभक्त पोखरेल रहनुभएको छ।
सत्तारुढ गठबन्धनकातर्फबाट साझा उम्मेदवारका रुपमा पुष्पा भुसाल गौतमको उम्मेदवारी दर्ता भएको छ ।
लामो समयदेखि प्रतिनिधिसभाको उपसभामुख पद रिक्त रहँदै आएको थियो ।
