एजेन्सी । श्रीलंकामा राजनीतिक र आर्थिक संकट गहिरिँदै गएको छ । प्रदर्शनकारीले राष्ट्रपति भवन, प्रधानमन्त्री निवास र सचिवालयमा तोडफोड गर्दै बाहिर निस्कन अस्वीकार गरेका छन् ।
प्रधानमन्त्री–राष्ट्रपतिले राजीनामा नदिएसम्म उनीहरु आन्दोलनबाट पछि नहट्ने जिकिर गरेका छन् ।
एम्बुलेन्स चलाउन पनि डिजेल–पेट्रोलको अभाव भएको छ । अवस्था यति नाजुक बनेको छ । एम्बुलेन्स सेवाले सर्वसाधारणलाई फोन नगर्न अनुरोध गरेको छ भने सेवा दिन नसकेकोमा क्षमा मागेको छ ।
यसैबीच, सभामुख महिन्दा यापा अभयवर्धनले राष्ट्रपति गोटबायाले देश छाडेको र बुधबारसम्म फर्कने जानकारी दिएका छन् । तर, पछि सभामुखले आफ्नो बयान फिर्ता लिँदै आफूले गल्तीले राष्ट्रपतिले देश छाडेको बताएको तर राष्ट्रपति श्रीलंकामा नै रहेको बताएका छन् ।
राष्ट्रपतिले बुधबार राजीनामा दिनेछन्
राष्ट्रपति गोताबाया राजापाक्षेले बुधबार पदबाट राजीनामा दिने सभामुखलाई जानकारी दिएका छन् । अन्तर्राष्ट्रिय मुद्रा कोष (आईएमएफ)सँगको सम्झौता ढिलाइ हुने अपेक्षा गरिएको छ । वैदेशिक आर्थिक सहायता नहुँदा श्रीलंकाको अवस्था दिनानुदिन नाजुक हुँदै गइरहेको छ ।
