काठमाडौँ । बाजुराको बुढीगंगा नगरपालिकाको निर्वाचनमा तनाव उत्पन्न भएको छ । गत वैशाख ३० गते भएको निर्वाचनमा धाँधली भएपछि स्थगित भएको निर्वाचनको बिहीबार जारी पुनः मतदानमा तनाव उत्पन्न भएको हो ।
सत्ता गठबन्धन र नेकपा (एमाले) कार्यकर्ताबीच तनावको स्थिति उत्पन्न भएको हो । त्रिशक्ति मावि मतदान केन्द्रमा तनाव सिर्जना भएपछि प्रहरीले हवाई फायर समेत गर्नुपरेको बताइएको छ ।
दुवैपक्षबीच तनाव भएपछि १५ मिनेटका लागि मतदान स्थगित गर्नुपरेको थियो ।
