काठमाडौं । अर्थमन्त्री जनार्दन शर्मा रोस्ट्रममा गएर बोल्न लाग्दै गर्दा एमालेका धेरैजसो सांसदहरु संघिय संसदको बैठक नै छाडेर बाहिरिएका छन् । प्रतिनिधिसभाको आजको बैठकमा एमाले सांसद योगेश कुमार भट्टराईले बोल्दै अर्थमन्त्री जनार्दन शर्माको राजिनामा माग गरेका थिए ।
एमाले सांसद भट्टराईले अर्थमन्त्री शर्मालाई संसद बैठकमा बोल्न कुनै अधिकार नभएको बताएका थिए । उनले ‘यति गम्भिर नैतिक उठिसकेको अर्थमन्त्रीले अब यो रोस्ट्रममा अर्थमन्त्रीको रुपमा सम्बोधन गर्ने कुनै नैतिक अधिकार छैन्’ भनेका थिए ।
त्यस्तै एमाले सांसद भट्टराईले ‘प्रधानमन्त्रीले अर्थमन्त्री जनार्दन शर्मालाई तुरुन्तै बरखास्त गर्नुस् त्यसपछि हामी उहाँको भाषण हामी सुन्न तयार छौं’ भनेका थिए ।
त्यसलगत्तै प्रतिनिधिसभाका सभामुख अग्नि प्रसाद सापकोटाले अर्थमन्त्री शर्मालाई रोस्ट्रममा मन्तव्यको लागि समय दिएका थिए तर अर्थमन्त्री शर्मा रोष्टमतर्फ आउँदैगर्दा एमालेका अधिकांश सांसदहरु बैठक नै छोडेर बाहिरिएका हुन् ।
