काठमाडौं । राष्ट्रिय प्रजातन्त्र पार्टी (राप्रपा)ले नेपाल आयल निगमलाई पत्र बुझाएको छ ।
सोमबार राप्रपाका प्रवक्ता ज्ञानेन्द्र शाही नेतृत्वको टोलीले पेट्रोलियम पदार्थमा लाग्ने खर्चका बारे र मूल्यवृद्धिको कारण माग गर्दै निगमलाई पत्र बुझाएका हुन् ।
पत्रमा राप्रपाले पेट्रोलियम पदार्थको कच्चा मूल्य, शुद्धिकरण चार्ज, कर, भाडा दर लगायतका विषयमा जानकारीको माग गरेको छ ।
आयल निगमले आइतबार रातिदेखि लागू हुनेगरी पेट्रोलको मूल्यलिटरको १९९ र डिजेलको मूल्य १९२ रुपैयाँ पुर्याएको छ ।
