• १५ चैत्र २०८०, बिहीबार
  •      Thu Mar 28 2024
  •   Unicode
Logo
Latest
★   उत्तरपुस्तिका हराएको विषयमा छानबिन गर्न उच्चस्तरीय समिति गठन ★   शिक्षा मन्त्रालयका बीस कर्मचारीलाई स्पष्टीकरण ★   मन्त्रिपरिषद्को बैठक: सचिव पदमा लम्सालको बढुवा,चैते धानको मूल्य निर्धारण  ★   नेपालको पर्यटकीय सम्भावनालाई विश्वमा प्रचार गर्नसके चार गुणा पर्यटक आउँछन्: सांसद राणा ★   इलाम २ मा रास्वपाका उम्मेदवार मिलन लिम्बू ★   एमडीएमएस खरिदमा अनियमितता गरेको अभियोगमा २० जनाबिरुद्ध मुद्दा दर्ता ★   कर्णाली नदीमा हाम फालेर बेपत्ता भएका युवक मृत फेला ★   सवारी दुर्घटनाबाट दैनिक ७ जनाको मृत्यु हुने प्रहरीको तथ्यांक ★   सादा पोशाकमा जनशक्ति परिचालन नगर्न गृहको निर्देशन ★   चीनमा आँधीको चेतावनी

संसदमा प्रधानमन्त्रीको खोजी, प्रधानमन्त्री अन्य कार्यक्रममा व्यस्त



काठमाडौँ । प्रतिनिधिसभाको बिहीबारको बैठकमा बैठकको कार्यसूचीअनुसार प्रधानमन्त्री कार्यालय र ​रक्षा मन्त्रालयका लागि विनियोजन विधेयकमाथिको छलफलमा उठेका प्रश्नहरुको जवाफ दिने पालो थियो ।

रक्षा मन्त्रालयको समेत कार्यभार सम्हाल्नुभएका प्रधानमन्त्री शेरबहादुर देउवाले आफ्नो मन्त्रालयका लागि उठेका प्रश्नको जवाफ दिनुपर्ने थियो तर प्रधानमन्त्री देउवाले सो मन्त्रालयसँग सम्बन्धित उठेका प्रश्नको जवाफ दिन गृहमन्त्री बालकृष्ण खाणलाई पठाउनुभयो ।

बैठकमा गृहमन्त्री खाण रक्षा मन्त्रालयसँग सम्बन्धित सांसदहरुले उठाएका प्रश्नहरुको जवाफ दिन उपस्थित भएपछि सांसदहरुले प्रधानमन्त्रीको खोजी गरे । सम्बन्धित मन्त्रालयको जवाफ पनि सम्बन्धित मन्त्रीले नै दिनुपर्ने भन्दै उनीहरुले सदनमा प्रधानमन्त्री उपस्थित भएर जवाफ दिनुपर्ने माग गरे ।

नेपाल मजदुर किसान पार्टी (नेमकिपा) का प्रेम सुवालले सदनमा प्रधानमन्त्री किन उपस्थित नहुनुभएको भनेर प्रश्न गरे । उनले प्रधानमन्त्री सदनमा उपस्थित हुन नसक्ने कारण माग गरे । उनले भने, “यदि प्रधानमन्त्री बिरामी पर्नुभएको हो भने अहिले कुन अस्पतालमा हुनुहुन्छ र चिकित्सकले उहाँलाई कस्तो औषधि सिफारिस गरेका छन्, यसबारे सदनलाई जानकारी गराइयोस् ।”

त्यसपछि सभामुख अग्निप्रसाद सापकोटाले प्रधानमन्त्री सदनमा उपस्थित हुननसक्ने बारे पत्र आएको उल्लेख गर्दै प्रधानमन्त्रीको कार्यव्यस्तताले गर्दा गृहमन्त्री खाणलाई जवाफ दिन पठाएको जानकारी दिए ।

यता प्रधानमन्त्री देउवा भने सो समयमा नेपाल चेम्बर अफ कमर्शले आयोजना गरेको व्यापार मेलाको उद्घाटन गर्दै हुनुहुन्थ्यो । उहाँमा त्यस्तो कुनै बिरामको लक्षण देखिएको पनि थिएन ।

सो कार्यक्रमपछि आजै उहाँ गैरआवासीय नेपाली संघले आयोजना गरेको सम्मेलनको समापनका लागि र्‍याडिसन होटलमा आयोजना हुने कार्यक्रममा सरिक हुँदै हुनुहुन्छ ।