काठमाडौं । नेपाली काँग्रेस मोरङले स्थानीयतहको निर्वाचनमा पार्टीका उम्मेदवारलाई हराउन भूमिका खेलेको भन्दै जिल्ला स्तरिय ५ नेतालाई कारवाही गरेको छ ।
नेपाली कांग्रेस मोरङका अनुसार बिराटनगर महानगरपालीका वार्ड १७ स्थानीय तह निर्वाचन २०७९ मा पार्टीका तर्फबाट अध्यक्ष पदका उम्मेदवार असलम आलमलाई पराजय गराउनका लागि भूमिका खेलेको भन्दै महासमिति सदस्य हसन अंसारी सहित अन्य ४ जनालाई कारबाही गरेको हो ।
पार्टीको सााधारण सदस्य समेत नरहने गरी कारबाही गरिएकाहरुमा नेपाल मुस्लिम संघ एक नं प्रदेशका कोषाध्यक्ष अबिद अलि अंसारी , मुस्लिम संघ मोरङका अध्यक्ष आजाद आलम,मोरङ क्षेत्र न. ५का सह सचिव रोसन आलम र प्रदेश अधिवेशन प्रतिनिधी मोरङ क्षेत्र नं ५प्रदेश नं १ का सहिउल्ला (सलिम ) रहेका छन् ।
उनिहरुलाई कारबाही गरिएको बारे पार्टीका नगर वडा समितिका अध्यक्ष एहशन आलामले केन्द्रिय कार्यालयलाई जानकारी गराउनु भएको छ ।
