काठमाडौँ । नेपाली कांग्रेसका सांसद् गगन थापाले प्रधानमन्त्री शेरबहादुर देउवासँग अमेरिकाले प्रस्ताव गरेको स्टेट पार्टनरसिफ प्रोग्राम (एसपीपी) बारे जवाफ मागेका छन् ।
प्रतिनिधिसभाको बुधबार बसेको बैठकमा नेता थापाले प्रधानमन्त्री देउवाले संसद्मा अमेरिकासँग गर्न लागेको भनिएको एसपीपी सम्झौताबारे जवाफ दिनुपर्ने बताए ।
उनले एसपीपी नेपालको संविधानसँग बाझिएको भन्दै नेपाल कुनै पनि शक्ति राष्ट्रको सामरिक स्वार्थसँग जोडिएको कार्यक्रममा सहभागी हुन नहुने बताए । सेना संलग्न हुने कुनै पनि कार्यक्रममा नेपाल सहभागी हुन नपाउने उल्लेख गर्दै नेता थापाले हामीहरुले शक्ति राष्ट्रसँग मिलेर काम गर्नुपर्ने बताए ।
प्रधानमन्त्री देउवाले संसद्मै आएर एसपीपी सम्झौता हुँदैन भनेर जवाफ दिनुपर्ने बताउनुभयो ।
