काठमाडौँ । सर्वोच्च अदालतमा नेपाल प्रहरीको प्रहरी महानिरीक्षक (आईजीपी) नियुक्त विरुद्ध परेको मुद्दाको सुनुवाइका लागि इजलास तोकिएको छ ।
सो मुद्दाको सुनुवाइ कामु प्रधानन्यायाधीश दीपककुमार कार्की र कुमार चुँडालको संयुक्त इजलासमा हुने भएको छ ।
यही जेठ १७ गतेका लागि सो मुद्दाका लागि पेसी तोकिएको थियो । यद्यपि अवकाश पाइसकेका प्रहरी नायब महानिरीक्षक (डीआईजीपी) हरुले दर्ता गरेको मुद्दा पनि एकै स्थानमा राखेर हेर्ने आदेश भएको तर विपक्षीका नाममा म्याद तामेल भइसकेको भन्दै सर्वोच्चले आजका लागि पेसी तोकेको थियो ।
प्रहरी अतिरिक्त महनिरीक्षक (एआईजीपी) विश्वराज पोखरेलले वरियता मिचेर आफूभन्दा १७ महिना कनिष्ठ एआईजीपी धीरजप्रताप सिंहलाई आईजीपी बनाएको भन्दै सो निर्णयविरुद्ध सर्वोच्च अदालतमा मुद्दा दायर गर्नुभएको थियो ।
