एजेन्सी । नेपाली फुटबल टिमका मुख्य प्रशिक्षक अब्दुल्लाह अलमुताइरी अस्पताल बाट डिस्चार्ज भएका छन् ।
एएफसी एसियन कप २०२३ को छनोटको तेस्रो चरण अन्तर्गत घरेलु टोली कुवेतसँगको शनिबार भएको खेलका दौरान अलमुताइरी टेक्निकल एरियामा अचेत भएर ढलेका थिए ।
उनलाई थप उपचारका लागि फारवानिया अस्पताल लगिएको थियो ।
उनको अवस्था सामान्य रहेको तर एक दिन अस्पतालमै राख्ने चिकित्सकले बताएपनि पछि डिस्चार्ज गर्न मिल्छ भन्ने सल्लाह अनुसार डिस्चार्ज गरिएको हो ।
समूह चरणमा कुवेतविरुद्धको खेलमा नेपाल ४–१ ले पराजित भएको थियो ।
