काठमाडौं । नेपाल भ्रमणा रहेका अमेरिकी सेनाको एसिया प्रशान्त क्षेत्रका कमान्डिङ जनरल चार्ल्स ए- फ्लायनले रक्षामन्त्रीको समेत कार्यभार सम्हालेका प्रधानमन्त्री शेरबहादुर देउवासँग भेट गर्नुभएको छ । प्रधानमन्त्री निवास बालुवाटारमा शुक्रबार दिउFसो शिष्टाचार भेट भएको हो ।
भेटमा मानवीय सहायता र विपद् व्यवस्थापन लगायतका विषयमा छलफल भएको काठमाडौंस्थित अमेरिकी दूतावासले जनाएको छ ।
जनरल फ्लिनले राष्ट्रपति विद्यादेवी भण्डारी सँग पनि शिष्टाचार भेट गर्दैछन् ।
त्यस्तै उनले आजै सैनिक मुख्यालयमा प्रधानसेनापति प्रभुराम शर्मासँग द्विपक्षीय भेटवार्ता गर्ने नेपाली सेनाले जनाएको छ । अमेरिकाले नेपाली सेनासँग हस्ताक्षर गर्न चाहेको स्टेट पार्टनरसिप प्रोग्राम (एसपीपी) सम्बन्धी समझदारीपत्र टुंग्याउनेबारे फ्लिनले उच्चतहमा कुराकानी गर्न सक्ने बताइएको छ ।
अमेरिकी दूतावासले कान्तिपथस्थित फोरा दरबारमा आयोजना हुने प्रवचन कार्यक्रममा अमेरिकाको नेपालसँगको परम्परागत सैन्य सम्बन्ध र क्षेत्रीय तथा अन्तर्राष्ट्रिय परिस्थितिबारे फ्लिनले व्याख्या गर्ने समेत कार्यक्रम रहेको छ ।
उनलाई नेपाली सेनाले सैनिक मञ्च टुँडिखेलमा गार्ड अफ अनर पनि दिइने सेनाले बताएको छ।
