काठमाडौँ। काठमाडौँ महानगरपालिका वडा नम्बर १६ को फोहोरहरु वडा कार्यालयमा राखिने भएको छ। महानगरको फोहोर उठ्न नसकेको अवस्थामा मुकुन्द रिजाल आफै फिल्डमा सक्रिए भएर फोहोर संकलनमा लागेका हुन्।
सोमबार दिउँसोदेखि वडाको फोहोर संकलनमा वडाध्यक्ष रिजाल जुटेका हुन्। वातावरण व्यवस्थापन विभागको सहयोगमा वडामा पर्ने सोह्रखुट्टे चोकबाट फोहोर संकलनको काम सुरु भएको हो। कालधारा र शाशा गेटमा रहेको फोहोर संकलन गरेको वडाले तीन गाडी फोहोर संकलन भएको छ।
अल्पकालीन व्यवस्थाका लागि फोहोर संकलन गरिएको रिजालको भनाई छ। संकलन गरिएको फोहोर वडा कार्यालयमै राखिने र बञ्चरे डाँडामा भएको अवरोध हटेसँगै यहाँबाट लगिनेछ।
