पोखरा । जिल्ला समन्वय समिति कास्कीमा नेकपा (एमाले)को प्यानलनै विजयी भएको छ ।
समितिको प्रमुख पदमा एमालेका लीलाधर पौडेलले ६ मत ल्याउँदै विजयी भएका हुन् । नेपाली कांग्रेसका दीपेन्द्र ढकालले ४ मत ल्याए ।
यस्तै उप प्रमुख पदमा एमालेकी सरिता कुमाल ६ मत ल्याउँदै विजयी भइन् भने कांग्रेसकी उषा थापाले ४ मत पाइन् ।
सदस्यमा एमालेको तर्फबाट बालिका सुवेदी, राजु अधिकारी र हर्क बहादुर गुरुङले समान ६ मत ल्याउँदै विजयी भएका छन् ।
यता महिला सदस्यमा पनि एमालेका लक्ष्मी दमै, सीता विक र सुक माया ६/६ मत ल्याउँदै विजयी भएका छन् । दलित वा अल्पसंख्यक सदस्यमा एमालेका गणेश बहादुर घर्ती जिसिले पनि ६ मत ल्याउँदै विजयी भए ।
