काठमाडौंः नेपाल आयल निगमलाई भारतीय आयल कर्पोरेसनले आज जेठ १८ गते नयाँ मूल्य सूची पठाएको छ । नयाँ मूल्य सूची अनुसार निगमलाई अझै पनि मासिक ६ अर्ब १५ करोड घाटा हुने निगमले जनाएको छ ।
नयाँ मूल्यसूची अनुसार, निगमलाई पेट्रोलमा प्रति लिटर २३ रुपैयाँ, डिजेलमा रु. २० तथा एलपी ग्यासमा प्रति सिलिन्डर रु. ७५१ घाटा हुने निगमले जनाएको छ ।
प्राप्त नयाँ मूल्यसूची अनुसार पाक्षिक रुपमा पेट्रोलमा रु. ६७ करोड, डिजेलमा रु. १ अर्ब ३० करोड र एलपी ग्यासमा रु. १ अर्ब ४३ करोड घाटा हुनेछ ।
निगमले जुन महिनाका लागि पहिलो किस्ता बापत रु. १६ अर्ब र बाँकी बक्यौता रु. १६ अर्ब गरी जम्मा रु. ३२ अर्ब भारतीय आयल कर्पोरेसनलाई आगामी जुन ८ तारिखमा भुक्तानी गर्नुपर्ने निगमको भनाई छ ।
यस आर्थिक वर्षको वैशाखसम्म निगमलाई रु. ४७ अर्ब नोक्सानी भइसकेको र आगामी असार मसान्तसम्म झण्डै रु. ६० अर्ब नोक्सानी हुने निगमका सहप्रवक्ता पुस्कर कार्कीले प्रकाशन गर्नु भएको विज्ञप्तिमा उल्लेख छ ।
नेपाल सरकारले पुुर्वाधारमा लिँइदै आएको कर घटाउने निर्णय गरे पनि निगमले व्यहोर्दै आएको घाटा ठूलो रहेकाले तत्कालै पेट्रोलियम पदार्थमा मूल्य समायोजन गर्न नहुने निगमको भनाई छ ।
