काठमाडौं । राष्ट्रिय प्रजातन्त्र पार्टी (राप्रपा)को केन्द्रीय कार्यसम्पादन समिति बैठक सुरु भएको छ ।
काभ्रेको धुलिखेलमा आजदेखि सुरु भएको कार्यसम्पादन समिति बैठक दुई दिन चल्नेछ ।
राप्रपाका प्रवक्तासमेत रहेका प्रचार विभाग प्रमुख मोहन श्रेष्ठले बैठकमा स्थानीय तह निर्वाचनको समिक्षा, पार्टीको संगठन सुदृढीकरण र आगामी निर्वाचनको तयारीका बारेमा छलफल हुने जानकारी दिए ।
वैशाख ३० मा सम्पन्न स्थानीय तह निर्वाचनमा राप्रपा चार पालिकाको प्रमुख पदमा विजयी भएको थियो ।
