काठमाडौं । सत्तारुढ नेपाली कांग्रेसले हवाई सेवालाई सुरक्षित बनाउन सरकारसँग माग गरेको छ ।
तारा एयर दुर्घटनाका सन्दर्भमा सो पार्टीका प्रवक्ता डा. प्रकाशशरण महतले विज्ञप्ति जारी गरी हवाई सेवालाई सुरक्षित बनाउन माग गरेका हुन् ।
‘नेपाली कांग्रेस यस अकल्पनीय दुर्घटनामा जीवन गुमाउनुहुने विमान चालक, सहचालक, परिचारिका र यात्रुहरु सबैमा भावपूर्ण श्रद्धाञ्जली व्यक्त गर्दै शोक सन्तप्त परिवारजनप्रति गहिरो समवेदना प्रकट गर्दछ ।’ विज्ञप्तिमा भनिएको छ ‘नेपालको हवाई सेवालाई सुरक्षित बनाउन संभाव्य सबै उपाय अबलम्बन गर्न पनि नेपाली कांग्रेस नेपाल सरकारसंग माग गर्दछ ।’
यस्तै, कांग्रेसले आइतबार मुस्ताङमा भएको दुर्घटनाप्रति दुःख व्यक्त गर्दै मृतकप्रति श्रद्धाञ्जलि र परिवारमा समवेदना पनि प्रकट गरेको छ ।
