काठमाडौ । सर्वोच्च अदालत बार एसोसियसनले बहालवाला न्यायाधीशलाई पदक प्रदान गर्दा न्यायपालिकाको स्वतन्त्रतामा गम्भीर रूपमा असर पुग्ने जनाएको छ । सर्वोच्च बारले सोमबार विज्ञप्ति जारी गर्दे बहालवाला न्यायाधीशले मानपदवी ग्रहण गर्दा न्यायिक स्वतन्त्रताको ख्याल राख्नुपर्ने जनाएको हो ।
सरकारले संविधान दिवसमा प्रधानन्यायाधीश र न्यायाधीशहरूलाई विभूषित गर्ने घोषणा गरेकोप्रति बारको गम्भीर ध्यानाकर्षण भएको भन्दै बिज्ञप्तिमा भनिएको छ ‘बहालवाला न्यायाधीशहरूले सरकारको कुनै निकाय वा संस्थाबाट मानपदवी ग्रहण गर्दा विभिन्न किसिमको टीकाटिप्पणी हुने र उसले सम्पादन गर्ने न्यायमा प्रभाव पर्न सक्ने, न्यायिक स्वतन्त्रताको मूल्य मान्यतामा आँच आउन सक्ने हुँदा त्यस प्रकारका मानपदवीहरू बहालवाला न्यायाधीशले ग्रहण गर्ने वा नगर्ने भन्ने विषयमा गम्भीर हुनुपर्ने देखिन्छ।'
बारले भनेको छ 'अदालतमा व्यवस्थापिका र कार्यपालिकाका सयौँ मुद्दा विचाराधीन रहेको अवस्थामा न्यायाधीशलाई न्यायसम्पादन गर्दा कुनै पदक र पुरस्कारको अनुचित प्रभाव पार्ने वातावरण सिर्जना गर्नु गराउनु हुँदैन भन्नेमा अडिग रहेको जनाएको छ।'
यो पनि- पदकको कुरा पाँच श्रीमानहरुको विवेकको ईजलासमा !
