काठमाडौं । काठमाडौं महानगरपालिकाको प्रमुखमा पराजित नेपाली कांग्रेसकी उम्मेदवार सिर्जना सिंहले निर्वाचित प्रमुख बालेन साहलाई बधाई दिनुभएको छ ।
सामाजिक संञ्जाल मार्फत साहलाई बधाई दिदै सिंहले लोकतान्त्रिक अभ्यासको यो परिणामलाई म हार्दिकतापूर्वक स्वीकार र आत्मसाथ गरेको जनाउनु भएको छ ।
उहाँले विजयी हुने गरी मत जित्न नसके पनि मन जित्न सकेको उल्लेख गर्नुभएको छ । उहाँले लेख्नुभएको छ – “काठमाडौं महानगर प्रमुखमा निर्वाचित श्री बालेन्द्र साहलाई हार्दिक बधाई ज्ञापन गर्दै सफल कार्यकालका लागि शुभकामना व्यक्त गर्दछु ।”
सिंहले प्रमुख, उपप्रमुख, वडाध्यक्ष र सदस्यमा निर्वाचित सबैलाई बधाई दिँदै रचनात्मक सहयोग र साथ रहने प्रतिबद्धता व्यक्त गर्नुभएको छ ।
