काठमाडौं । काठमाडौं महानगरपालिकाको मेयरमा र्यापर तथा स्ट्रक्चरल इन्जिनियर बालेन्द्र साह (बालेन)निर्वाचित भएका छन् ।
महानगरपालिकाको मेयरमा स्वतन्त्र उम्मेदवारी दिएका बालेन २३४२६ मतको फराकिलो अन्तरका साथ मेयरमा निर्वाचित भएका हुन् ।
मत परिणाम अनुसार बालेनले कुल मत ६१७६७ ल्याएका छन् । दोस्रो स्थानमा रहेकी नेपाली कांग्रेस उम्मेदवार सिर्जना सिंहले ३८३४१ मत ल्याइन् ।
यस्तै, तेस्रो स्थानमा रहेका नेकपा एमालेका उम्मेदवार केशव स्थापितले ३८११७ मत ल्याए ।
अर्का स्वतन्त्र उम्मेदवार सुमन सायमी १३७७० भोटका साथ चौथो स्थानमा रहँदा राप्रपाका मदनदास श्रेष्ठ ५७७० मतसहित पाँचौ स्थानमा रहे ।
यसैगरी, नेकपा एमालेकी सुनिता डंगोल काठमाडौं महानगरको उपमेयरमा निर्वाचित बनेकी छन् । भारी मतान्तरसहित उनले गठवन्धनका उम्मेदवार रामेश्वर श्रेष्ठलाई पराजित गरेकी हुन् ।
मत परिणाम अनुसार उपमेयरमा सुनिताले ६८६१२ मत ल्याएकी छन् । पराजित उम्मेदवार श्रेष्ठले २३८०६ मत ल्याए । तेस्रो स्थानमा रहेकी राप्रपाकी विनिता मगैया १२१४१ मत प्राप्त गरिन् । यस्तै, स्वतन्त्र उम्मेदवार विद्या मानन्धरले १३६९५ मत ल्याइन् ।
