नयाँदिल्ली । भारतले आउँदो अक्टोबरदेखि खोप निर्यातमा लगाएको प्रतिबन्ध हटाउने भएको छ ।
सोमबार दिल्लीमा आयोजित पत्रकार सम्मेलनमा भारतीय स्वास्थ्यमन्त्री मनसुख माण्डवीयले विदेशमा खोप निर्यात हुने घोषणा गरेका हुन् ।
भारतको सो घोषणाले यता नेपाललाई राहत मिलेको छ । भारतले निर्यात प्रतिबन्ध फुकुवा गरेसँगै नेपालले अक्टोबरमा १० लाख डोज कोभिसिल्ड खोप प्राप्त गर्ने भएको छ ।
उक्त मात्राको खोपका लागि यसअघिनै नेपालले उत्पादक कम्पनी सिरम इन्स्टिच्युटलाई भुक्तानी पनि गरिसकेको छ ।
