चितवन । भरतपुर महानगरपालिकामा पाँच दलीय सत्ता गठबन्धनबाट मेयर उम्मेदवार रेनु दाहाल पछि परेकी छिन् । स्थानीय तहको निर्वाचनमा यसअघि अग्रता कायम राख्दै आएकी नेकपा (माओवादी केन्द्र) की दाहाललाई नेकपा (एमाले) का मेयर उम्मेदवार विजय सुवेदीले उछिनेका हुन् ।
पछिल्लो मतगणनाअनुसार सुवेदीले एक हजार ६११ मत ल्याउँदा दाहालले एक हजार ५४१ मत पाएकी छिन् ।
उपमेयर पदमा सत्ता गठबन्धनबाट नेपाली कांग्रेसका उम्मेदवारले एक हजार ७७५ मत ल्याएका छन् भने राप्रपाका उम्मेदवारले एक हजार २४२ मत प्राप्त गरेका छन् ।
भरतपुर महानगरपालिकामा पाँच दलीय सत्ता गठबन्धन र एमाले–राप्रपाबीच चुनावी तालमेल छ ।
