महानगरमा कामको लागि आउने दाजुभाई दिदिबहिनीको शिर निहुरीन दिन्न: नेतृ सिंह

काठमाडौं ।नेपाली कांग्रेसको तर्फबाट काठमाडौं महानगरपालिकाको प्रमुख पदका उम्मेदवार सिर्जना सिंहले असुरक्षित रहेको काठमाडौंलाई सुरक्षित बनाउनु आफ्नो पहिलो प्राथमिकता रहेको बताउनु भएको छ ।

रत्नपार्क शान्तिबाटिकामा आयोजित पाँच दलीय गठबन्धनको चुनावी सभालाई सम्बोधन गर्दै सिंहले असुरक्षित रहेको काठमाडौंलाई सुरक्षित बनाएर ढुक्कले बस्न सक्ने वातावरण बनाउनु पहिलो प्राथमिकता रहेको बताउनु भयो I सिंहले भन्नुभयो ‘म महानगरमा कामको लागि आउने दाजुभाई दिदिबहिनीको शिर निहुरीन दिने छैन् । म काठमाडौंलाई महान घर जस्तो बनाएर राख्नेछु । यहाँ आउने सबैलाई राम्रोसँग सेवा प्रवाह गर्नेछु ।’

। उहाँले भन्नुभयो ‘काठमाडौं महानगरमा फोहोरको समस्या, सडकको समस्या, वेराजगारीको समस्या त्यसलाई समाधान गर्न पहल गर्छु ।’

उहाँले भन्नुभयो ‘अहिलेसम्म युवाहरूले धेरै दिए । अब मैले जितेमा युवाहरूलाई दिनेछु । उनीहरूमा देखिएको बेरोजगारी समस्या समाधान गर्नेछु ।’

सिंहले शिक्षाको गुणस्तर बढाउनतिर आफ्नो प्राथमिकता रहेको बताउनु भयो ।उहाँले भन्नुभयो ‘सरकारी विद्यालयमा पढ्दा शिक्षाको गुणस्तर एकदमै कमजोर देखिएको छ । यसलाई गुणस्तरीय बनाउन मेरो ध्यान हुनेछ ।’

उहाँले गृहणी महिलालाई विशेष भत्ताको व्यवस्था मात्र नभएर विदुर पुरुषहरूको लागि समेत भत्ताको व्यवस्था गर्ने बताउनु भयो । यसै गरी २४ सैं घण्टा काठमाडौंका बजार खुल्ला गर्ने योजना पनि उहाँले सुनाउनु भयो ।

उहाँले काठमाडौं सार्वजनिक स्थानमा सार्वजनिक शौचालय राख्नुका साथै निःशुल्क खानेपानीको व्यवस्था पनि गर्ने पनि बताउनु भयो ।